Ito ay isa sa mga pinaka makukulit na larong aming nilaro sa klase. Kung hindi niyo alam kung ano ang larong ito, ilalarawan ko muna sa inyo upang kayo at magkaroon ng ideya kung pano ito nilalaro.
Sa larong Aswang-aswang, may isang malaking bilog na nakaguhit sa sahig at nasaloob nito ay ang buong klase bilang mga taong-bayan. At ang taya naman ay tatakbo dun lamang sa linya ng bilog upang mang-taya o kumain ng taong-bayan bilang ang Aswang. Kung sino man ang mataya ng aswang ay siyang papalit bilang bagong taya o ang aswang. O hindi ba't tunog pa lang nun ay kasiya-siya na? Haha.
Nagkaroon kami ng ilang mga rounds sa una para masubukan lang kung paano laruin ang game na ito. Nang medyo natutunan at nakasanayan na namin kung paano laruin, dito na naglalagay ng mga variations. Ang isa sa mga variations na ginawa namin para sa larong ito ay ang pagkakaroon ng maraming taya. Sa tuwing makakataya o makakakain ng taong-bayan ang aswang, ang nataya ay magiging aswang na rin at mananaya na habang tumatakbo sa bilog na nakaguhit sa sahig.
Habang nilalaro namin ito, pansin na pansin ko ang pagkakatuwaan ng aking mga kaklase. Makikita mong pilit nilang iniiwas ang kanilang mga sarili mula sa mga guhit upang makalayo kapag nandiyan na ang taya. Minsan ay di naiiwasang magka-tulakan kung kaya't madali rin natataya ang iba naming mga kaklase.
Ang susunod naman na variation na ginawa ay ang pagliit ng bilog kung saan nakapaloob ang taong-bayan. Dahil dito, mas napapadali na ang pag taya ng mga aswang. Ito ay advantageous sa mga matatangkad at mahaba ang mga braso at kamay pagka't mas madali para sa kanila ang mang-taya lalo na at maliit na ang bilog na kanilang tinatakbuhan.
Naging masaya naman ang paglalaro namin ng larong ito. Sayang nga lang at wala akong masabi tungkol sa larong ito na maihahambing ko sa mga nalaro ko noong aking kabataan pagka't hindi ko naman nalaro ito dati noong ako ay puslit pa lamang. Sana'y maulit namin ito sa klase bago magtapos ang taong ito. Haha.
At bago ko nga pala makalimutan, kailangan kong awardan ang game na 'to. Dahil sa napaka-kulit at energetic ng mga taong naglalaro nito lalo sa aming klase, ito ang award ko para sa larong ito: "Sige Pa, Siksik at Tulak Lang Award". Bakit ito? Pagka't hindi matitigil-tigil ang panunulak at siksikan kapag lumalapit na ang mga aswang sa mga taong-bayan sa loob ng bilog. Haha. Okay ba, okay? :))
Fin.
No comments:
Post a Comment