Dahil nakalimutan ko na kung kelan ang araw na nilaro natin ito sa klase, sabihin nalang nating ganito. Isang masayang araw noon sa aming napakasayang PEd92 class, naglaro kami ng isa na namang masayang takbuhan na laro na tinatawag na Night or Day.
Ang larong ito na Night or Day ay isang laro na mainly habulan ang ginagawa. Hinati ang aming klase sa dalawang grupo, ang Night at ang Day. Ang dalawang grupo ay nasa magkabilang side ng linya sa gitna ng vanguard rooftop kung saan kami ay nakahilera at handang-handang mang taya sa pag baba ng tsinelas.
Hindi ko pa nga pala naipapaliwanag. Sa larong ito kasi, malalaman kung sino ang mangtataya sa pagbagsak ng tsinelas na ibinabato sa ere para malaman kung sino ang manghahabol kung kanino. Halimbawa, kapag ang tsinelas ay nasa sahig na at ang side ng tsinelas na nasa taas ay ang sole o ang ilalim nito, ibig lamang sabihin nun ay ang Night group ang manghahabol sa mga Day people hanggang sa dulo ng classroom. Ganoon din para sa Day na manghahabol ng Night people, kabaligtaran nga lamang. Kung mayroon mang mataya ang grupong manghahabol mula sa pagbagsak ng tsinelas, magkakaroon ng puntos ang grupong makakapang-taya.
Nakakapagod din ang pagtakbo at ang kaba na iyong mararamdaman habang hinihintay mong bumaba ang tsinelas sa sahig para malaman kung ikaw nga ba ay tatakbo para mang-habol at hindi tatakbo para umiwas. Lalo lamang kaming naguluhan noong magkaroon ng variation ang larong ito. Ang variation ay ikaw ang manghahabol kapag lumabas ang kabaligtaran ng kulay ng iyong grupo. Halimbawa, Kung ikaw ay Night group, dapat ay lumabas ang maputi o ang taas na parte ng tsinelas upang kayo ang manghahabol sa mga Day people.
Dahil sa variation na ito, naging mas magulo ngunit mas katawa-tawa ang aming paglalaro. Dahil ito sa ang lahat ay nagkakaroon ng hang time or mga at least 2-3 na segundo sa pag-iisip kung ito nga ba ang kulay nila o dapat ang kabaligtaran upang malaman kung sila nga ba ang manghahabol o hindi. Hahaha! Kagulo lang talaga. Sobrang tawa nalang kami ng tawa dahil nagkakaroon ng pagkakataon nalalabas ang sole ng tsinelas at dapat ay tatakbo na ang mga Day people para umiwas, eh sa kabaligtaran dapat sila na ang manghabol dahil reverse na ng original rules ng game ang tumatakbo noong oras na iyon. Haha. Kagulo talaga pero napakasaya.
Muli, gusto ko mang ihalintulad ang larong ito sa isang laro sa aking kabataan, ngunit wala akong maalalang laro na may katulad ng ganitong konsepto mula sa aking kabataan. Haha.
Tatapusin ko nalang ang entry na ito sa pagbibigay ng award sa larong Night or Day. At ito ay, drum roll please... *trug-trug-trug-trug-trug* "Kagulo Award". Dahil yan sa sobrang kagulo lang talaga ng sitwasyon lalo na nung may variation na ang game. Haha. Ayos! Hanggang sa muli!
Fin.
Kagulo Award
No comments:
Post a Comment